
Hér eru tvö FORTRAN-forrit sem kalla á undirstefju úr
Slatec-safninu til að heilda tölulega tvær mismunandi
hreyfijöfnur.  Síðan er eitt forrit til að finna rót
á ólínulegri óbeinni jöfnu. Ég hef sett Slatec forritin
sem eru nauðsynleg í þessar keyrslur í sérmöppu, en í
aðal forritamöppunni eru ddriv1.f dfzero.f. Fyrra
forritið inniheldur góðar skilgreiningar á aðferðafræðinni
sem það notar og öllum stikum. FORTRAN-forrit eru alltaf
hreinar textaskrár, þess vegna verður að breyta þeim með
venjulegum hreinum textaritli. Þýðandinn skilur ýmsar kóðanir
eins og UTF8 og aðrar eldri. Þýðandinn getur þýtt öll 
FORTRAN forrit síðustu 6 áratuga, en hann gefur viðvaranir
við ýmsum gömlum venjum ekki eru lengur notaðar í nýrri
gerðum af málinu. Viðvaranir stöðva ekki þýðinguna. 


Hægt er að breyta þessum forritum til þess að heilda
tölulegar allar hreyfijöfnur sem koma fyrir í námskeiðinu, 
og miklu fleiri. Vinnslan er ekki samhliða, en mjög hröð.

Í möppunni "Keyrslur" er nokkar keyrsluskrár "reXXX" og
gnuplot-skrár til að búa til gröf af niðurstöðunum. Nokkar
eps-myndir fylgja. Keyrsluskrárnar keyra forritið
fyrir nokkra mismunandi stika og umnefna útskrárnar
til að ljóst sé hvaða keyrslum þær tilheyra.

Til að þýða forrit þarf að gefa skipunina: "make Sveifill"
t.d., í forritamöppunni. Síðan er heppilegt að færa keyranlega
kóðann "Sveifill" yfir í keyrslumöppuna og keyra með til dæmis:
"./reSveifill". Eins má keyra það fyrir eitt val á stikum með:
"./Sveifill" og gefa inn stikana "0.3 0.0" þegar forritið bíður
með lessetninguna. 

Gfortran er til frítt fyrir öll stýrikerfi:
https://gcc.gnu.org/fortran/

Matlab er byggt ofan á ýmsa frjálsa fortran- og c-pakka, en
það er túlkað mál. Fortran er þýtt. Það þýðir að forritið er
ekki að eyða tíma í að túlka í sífellu ýmsar stýriskipanir
aftur og aftur. Reynsla nemenda sem hafa reynt bæði fortan
og matlab (eða frjálsa forritið octave sem líkir eftir matlab)
er að fortran-vinnslan sé u.þ.b 1000-sinnum hraðari. 
Python er líka frítt túlkað mál, en ekki þýtt. Það er því
verulega hægara en FORTRAN.

FORTRAN, C og C++ eru notuð í flesta kóða sem keyrðir eru á
þyrpingum og ofurtölvum, sem næstum allar eru með linux sem
stýrikerfi.  
